移民準備 - 選擇地區（1）

 移民既資料睇左好多，而諗得最多既就係住邊區好。

考慮選區既時候心目中都有把尺：

• 城巿vs郊區

香港住慣城巿，落街買到野，其實一直嚮往搬去村屋住，去到英國當然唔會選擇巿中心，亦因為巿中心治安唔好，加上有小朋友，但係我都諗唔會選擇太遠偏遠既小鎮，因為知道未必習慣同找工作可能會好難。所以大城巿既外圍係我初部既選擇。

• 揸車vs撘車

初步諗係會買車既，始終唔住巿中心有車比較方便，放假亦可以揸車同馬仔四圍去。

• 華人多vs英國人區

這個仲未知，其實可以話無咩所謂，去到英國就想融入當地文化，尤其小朋友佢以後都在英國生活，所以唔會刻意選擇華人圈。

• 親人朋友在附近？

成日都話識人好過識字，本身無親人喺英國，朋友都唔多，不過都想搵近有朋友既城巿，或者會同朋友一齊研究一齊過去邊度落腳，始終人生路不熟有照應比較好。

 

小馬家都係一個窮家庭，雖然好想住近倫敦，因為多好學校同工作機會都會多D，但放棄左倫敦既念頭。綜合爬文選左心目中幾個城巿再進一步研究下。 

• Manchester 曼徹斯特
• Birmingham 伯明翰
• Leeds 列斯
• York 約克
• Surrey 薩里邵
• Milton Keynes 米爾敦凱恩斯
• Reading 雷丁
• Kent 肯特郡

BNO英國移民從何入手

 我諗好多好似我哋30至40歲，有小朋友，工作了十幾年收入穩定，層自住樓供左十年八年既人。可以諗走唔走都係受惠近十年層樓不斷升值，有舊錢到外國生活有安全感D。真係痛苦因為樓價升，希望又係因為樓價升左...

未有BNO 5+1平權方案出之前，未有諗過移民英國，因為根本無能力。BNO 5+1比了一個希望我哋。

其實有錢人，移民好容易。太窮的，移民唔到。

我們這些中間既人，最難選擇。移民要左計右計，要諗生活到嗎？

好喇...打算移民，要搜集資料，點入手呢？

我哋重來無去過外國生活，亦從來都未去過英國，對英國認識主要來自英超，聽得最多既城巿當然係倫敦、曼徹斯特、利物浦啦！！！

決定移民咁大件事，過去一年都睇左好多文章，不過都係睇下。要認真諗成個計劃點行，第一步就諗下住邊個地區同預算問題。

移民英國地區 （以個人重要性）

治安 - 去到人生路不熟的地方，加上有小朋友，治安良好對係最重要，先可以安心生活。

學校 - 移民決定好大部份都為左小朋友將來，所以學校又係好重要，我哋中產都不到既家庭當然係打算讀公立學State School，附近有好學校好重要，因為中小學派位都係計居住距離。

住屋環境 - 一家大細去到陌生地方，舒適環境好重要，我唔係要住豪宅，只係想要令我感覺安心的地方。

工作 - 我哋無專業資格，只係香港既普通白領，以我哋英文水平相信都好難搵文職工作，打算搵基層工作，居住地點要有工作機會。

交通 - 其實諗去到英國都會買車代步，而且爬文都講越近巿中心治安會較差，所以交通唔係太大考慮。

購物 - 只要附近可以買到日常所需就可以，會學習英國人的習慣一次過買食物和日用品。

移民英國預算 

樓價 - 開始我哋會租樓，覺得地區適合先會考慮置業，但budget有限，無論租定買選區時都不可以考太過高價既城巿。

生活費 - 同樓一樣，要研究一下生活成本，都不可以選擇生活成本太高的地區。

移民開支 - 移民開支當然要計好，簽證、NHS等等的費用都要預算好。

從以上的方向搜集同整理資料先，仲有好多其他野要做同要諗，一步一步向英國出發！！！

 

移民 - 香港 vs 台灣 vs 英國

為土生土長的香港人，2019年前從沒有想過要離開我喜歡的香港。其間我開始想等馬仔到高中就送他到外國讀書，由他選擇是否回來。直到2020年，第一次有移民的念頭。

直到英國BNO持有人有望5+1移居英國，相信和很多香港人一樣，小馬家都積極考慮。

其實小馬家有三個選擇：

• 留在香港
• 台灣
• 英國

寫低自己的考慮後仍然係好混亂，不過台灣已經不在我考慮，對於移唔移民，最主要係為左小朋友，教育和自由係我睇得最重要，當然工作和生活都係比較重要，至於語言和朋友我相信去到新環境有能力適應和認適新朋友，不能照顧香港的家人和掛住佢哋亦都係好掙扎。

講到依一刻，其實小馬家仲未有最終決定，不過出走英國的可能性係比較高，我哋仲要等10月英國再有新消息先決定，依段時間繼續努力搵資料。

我都相信有好多同路人同我哋一樣掙扎緊，希望可以分享我既想法，有緣比同路人睇到！