斷捨離 - 文件

有一次幫朋友清理父母屋企，印象好深刻有好多紙，連二三十年前的文件月結單都有，叠埋有幾個紅白藍袋，朋友花左大半年時間處理。

又記得之前來一次斷捨離的時候，最花時間都是文件/紙張，我將全屋的紙張都放出黎，再每張看一次，最後我剩下的少於十分一。

我將文件分為以下類別：

• 需要一直保存
• 保留一段時間
• 電子化保存
• 不需要保存

需要一直保存

證書、工作證明、保單、出世紙、結婚證書、醫療紀錄等這些都是需要永久保存的文件，將他們全部放左同一地點做好filing。

保留一段時間

第一類需要保留一段較長時間，例如保養咭、用於報稅的紀錄，這些我會收到寫低要保存到什麼時候及filing，到期就掉左去。

電子化保存**

這部份重點想講下，好好利用可以慳好多時間及位置。

1. 月結單 

其實大部份月結單都可以要求收電子賬單，可以全部申請，而且一般登入系統都會保存有2-3年紀錄，除非有特別原因，2-3年紀錄其實都好足夠。

小馬家電費、水費、煤氣費、銀行及信用咭月結單、稅單都全部唔收實體單。

MPF及保單年結單登記網上帳戶後都有幾年紀錄，我自己另外都會儲存放在電腦存檔。每次收到實體信都會看完就丟掉。

2. 說明書

很多人屋企總有個櫃放左一大堆說明書，有時可能部機已經掉左幾年個說明書仲係度，說明書除了開始用時有機會睇下，其實之後都唔知會唔會睇到一次，唔放心就咁掉左本說明書，現在大部份的電器網上都有說明書下載，下載左就放心掉了。 咁就清左成個櫃！！！

3. 剪報、雜誌、旅遊資料

現在人大多數都網上找資料，但如果還有剪報、雜紙、書等等紀錄有用資料，其實可以簡單影低去再放入電話的Notes，這樣更方便。

不需要保存

有好多紙張真係唔需要留住，以下一些例子：

• 公司Training Notes
• 讀書筆記 (我自己讀完十幾年後先掉，讀完書完全無睇過)，專業學科的筆記需要時常翻閱除外
• 舊工作紀錄 
• 聖誕咭、生日咭等 (我有小學的聖誔咭還保留住，但有一些我是連誰給我也記不起，只保留有意義的）
• 旅行的紀錄 (有佷多門票、機票票尾、景點簡介、地圖等，只保留有紀念價值的，如果連想也想不起的可以丟掉）

持之而恒好重要，每次收信都將拆信封，只保留要處理的紙張，無用的宣傳品、外賣紙等就即刻掉左去。

將文件重新清理一次，感覺良好，有一種輕鬆的感覺！！

P.S. 某熱門品牌手機有Scan功能，大家移民前唔知有無用的文件又唔想帶走可以電子化。好方便易用：

Notes -> 按影相按扭-> 選擇scan文件，Scan完可以儲存為pdf。