最近農曆新年，我先發覺原來我仲未準備好。
近日好少搵移民資料，不過好睇好多移民個案，都很催淚😢
冬至、團年飯、農曆年，因為每個一個節日都諗可能係最後一次香港過，特別珍惜！原來以往覺得必然的事，其實唔係。
搵了幾個月資料，詳細計劃走佬，我以為我會好READY.... 但...
雖然仲有一段時間才走，但我已經開始掛住親戚朋友！掛住本來屬於我們的香港！
今年過年第一次自己整糕、包湯圓，想將以往無做過既節日傳統都試一下！
我要盡量帶馬仔遊覽香港，希望佢大個左仲記得出生的地方！！
馬仔成日同我講，佢大個讀完書要返黎香港🥺 又話好鍾意香港，有好多朋友！其實小朋友都未READY😢
走之前有好多野要準備，但不要忘記好好整理家人、小朋友和自己的心理！
留在香港的親人都要比多一些時間他們接受。
我努力學習中，大家加油💪🏻
No comments:
Post a Comment