今日終於放左部琴上網賣！ 真係十個不捨得！
話說兩年幾前經過很長的考慮買左這部琴， 一心諗住買左唔駛再換琴！無諗過兩年幾後就放佢上網賣🤧
 |
其實寄唔寄走部琴都經過一番掙扎，一開始係一心諗住帶埋去英國的！亦不斷做research有咩運輸公司比較好！最後小馬家都係決定唔帶去，到時有需要再買！
分享一下我哋中間考慮的過程：
金錢考慮
- 英國再買琴和香港賣出去的差價
- 運去英國的運費
- 其間可能搬屋的運費和調音費
英國買過新的當然比寄去要洗得更多，但計完後亦不是蝕好多！
方便安全
- 運輸過程很長，又可能好潮濕，鋼琴運到去萬一有損壞，追討亦可能好困難
- 因為琴，開頭租屋亦可能有局限
雖然明白去到英國都要適應當地照常生活，但開始落腳時都希望非必要的事情都簡化，鋼琴要搵人運輸要保養要調音可能對初到英國的我哋都係一種負擔！
當諗大型電器、單車、傢俬、音響等等要不要帶走都可以睇下英國果邊價錢如何，租屋買屋又用唔用得著，英國掉垃圾都好麻煩，大型傢俬電器搬到過去先發覺唔岩用都好難搞！
帶去之前都係諗清楚，唔好寄左過去先算💪🏻
No comments:
Post a Comment