這陣子都好忙，要清屋、要搵資料、要安排申請不同事情，小馬家仲趁走前學下不同技能，又想走前一家人四圍遊香港。
因為今日要入院做檢查，所以有得靜靜地寫野。想講下走前做身體檢查好重要！
有事先處理好
始終到英國開頭人生路不熟，睇醫生語言溝通上亦無香港方便，做一次全面身體檢查，如果無事就安心，有大小問題都先係香港處理好，攞埋醫療報告同藥物資料去英國方便日後跟進。
如果本身有問題又唔知，一去到英國先發現，相信開頭都會好徬徨!
善用公司醫療
好多公司都有包醫療，睇專科和入院治療都可以費用全免，有一些公司仲會包埋身體檢查，盡量辭職前跟進好，慳錢又舒服，可以用私家醫生服務。
醫療保險
好多人打算去到英國後會唔要香港醫療保險，所以身體檢查後有需要治療都可以用埋保險處理。都係果句，慳錢同舒服。
以我為例，上年年尾諗To Do List時，覺得需要做個詳細身體檢查，以前一直無正式咩唔舒服就去睇，但臨到走前如果有需要就香港處理左先。
今次入院都因為全身檢查後再建議我需要專科跟進檢查清楚。因為有保險，所以好快入私家醫院跟進左！
最重要健健康康或者處理好，安心出走😗
MeWe
Facebook
No comments:
Post a Comment