英國學校 - 學校種類

 開始睇學校資料的時候，見到好多不同的名稱不是太明白，除左State School, Independent School, Grammar School又有Community School等等。 

睇完官方網頁之後，我嘗試整理一下：

英國學校主要分State School(公立學校) 和 Independent School (私立學校)，由於馬仔去到都打算讀免費的公立學校，所以主要針對公立學校睇了資料。

State School - 主要分以下三類：

• Maintained School
• Academies
• Grammar School (文法中學）

Maintained School - 是由Local Authority資助，主要有分Community Schools, Foundation Schools 同 Voluntary Schools。 

• Community Schools有些像香港的官立學校，入學條件完全由Local Authority定，而且要完全跟National Curriculum（指定課程）。

• Foundation Schools 和 Voluntary Schools會有其他團體支持，所以自由度會比Community Schools多一些。

Academies - 是由政府資助，由Academy Trust營運，相比Maintained School比較大自由度，不一定要完全跟National Curriculum，每個學期的長短亦可自我調節。 另外，Academy Trust去制定入學條件。

不論Maintained School和Academies都要根據預設的條件收生，不能自行收生，全部都經Local Council申請派位。

另外亦留意有Faith School(宗教學校), Admission Criteria會以宗教為考慮。

但不同的學校會有不同的Admission Criteria(收生條件)，詳情可以在Local Council下載資料同個別學校網站有資料。

Grammar School - 係自行收生，透過考試以成績決定收生。

相知道更多資料，可參考英國政府網站： https://www.gov.uk/types-of-school  

選擇地區（2）- 英國治安

 當去到一個人生路不熟的地方，安全好重要，尤其帶著小朋友。選擇地區有好多因素，小馬家第一考慮就是治安。而且治安好的地方，鄰居質素和學校相對亦會比較好。

除左城巿相對有好有壞，另外其實每個城巿都有好區和唔好區。通常巿中心會比較雜，外圍就比較治安好，另外樓價高低和學校好與壞都反映到治安。

除左爬文聽人介紹，講下我怎樣由零開始研究一個地方的治安：

1. Police.UK https://www.police.uk

這是英國警察的網頁，網頁大概看這個城巿罪案率如何，邊個區治安比較好。

Search心水城巿名

會出現個城巿Local policing team的範圍，選其中一個。

睇番Overview會大概睇到個罪案數字。

我最主要係睇這個Crime Map, 可以睇到這個城巿的那些地方比較好，再進一步研究。 可以留意到巿中心罪案特別嚴重。

2. UKCrimeStats https://www.ukcrimestats.com/

選定左不同的區想進一步了解，我會係這裹再睇細區的罪案情況。

首先入Postcode

之後就會出現這個postcode的範圍，同每月不同罪案的數目。
ABS 反社會行為
Burglary 暴竊
Robbery 搶劫
Vehicle 偷車
Violent 暴車
Shoplifting 商店偷野
CD&A 刑事捐壞或縱火
Other Theft 其他偷竊
Drug 吸毒
Bike Theft 偷單車
Theft from the person
Weapons 持械犯罪
Public Order 擾亂秩序
Other 其他

來自國家、語言、宗教

除左治安可能還會考慮選擇的地方什麼人種的人比較多，宗教等等。有特別喜好都可以參考下。

Qpzm http://localstats.co.uk/

輸入城巿。

會有三個圖表，分別是來自國家、語言和宗教。

找到治安較好的地區，慢慢縮窄範圍進一步研究。。。

斷捨離 - 棄掉東西

移民執野最大挑戰除了決定什麼東西需要，另一樣就是唔要的東西怎樣處理。當然直接掉係最快，但我覺得幫佢搵新主人係最好的。 

我主要用以下幾個方法處理唔要的東西

• 贈送家人及朋友
• 網上二手賣掉
• 網上送出
• 直接掉棄

贈送家人及朋友

我首選係比親戚朋友。通常小朋友的東西我都會這樣處理，因為需求比較大，很好又唔岩，親戚朋友知道邊個用過，新淨的都會要。

網上二手賣掉

這個方法建議用於比較值錢的東西。因為又要約交收或者寄速遞，時間同成本都比較高。
以前買左好多野無咩用過，我將比較新同值錢的東西放上網賣。我試過賣手袋、相機、coupon、傢俬、書、keyboard、玩具等等，什至賣過魚缸。我用以下幾個地方賣野：

1. Carousell

Carousell賣手袋、電子產品、coupon較值錢的東西，我覺得特別快同容易，好似手袋，唔好以為一定要好貴好新先賣得出，我賣中價手袋(即原價2-3千)用左一段時間再轉售都可以賣到幾百蚊。又試過買傢俬送coupon但只可以買傢俬，上去放售都買到好價錢。

最重要交易完叫對方比個好評，有好評價之後都會多人問。

2. Facebook Market Place

Facebook Market Place是另一個好好地方，因為好多人用facebook，以我經驗賣生活用品就會比Carousell容易，試過因為買了洗碗機賣個瀝水籃都賣得出。 

 

3. Facebook群組

如果有特別興趣，加入相關興趣群組，放售有關的東西亦很容易。好像我加入以上群組，家長們都會在這𥚃放售同搵二手書，所以好快就會放得出。其實這些群組買二手書都好好。 

 

網上送出

有些價值平但又用唔著的東西，我會上網free比人，主要放上facebook群組。

• 地區媽媽群組 小朋友東西或生活用品都可以放媽媽群組，好處係交收容易，Free野時可以註明交收地點同時間，非常方便。

• 環保群組 Facebook另有一些群組係全港性亦唔似媽媽群組主要媽媽先睇。例如 “免「廢」島Free Island”，都係一個好選擇。

直接掉棄
去到太殘的東西，就無辦法要直接掉，可以廢物回收的都盡量分類掉入環保箱。

斷捨離 - 整理次序和家人意願

 

我自己好鍾意有一個簡約的屋企，前幾年迷上了斷捨離同簡約生活的生活態度。今次打算移民，亦真真正正的給我一次斷捨離的機會。我這個愛好都要記錄一下。

話說早兩年我已經將自己屋企重新檢視一次，精簡同整理不少，不過準備移民又要再再再斷捨離一次，好大挑戰。

今次除左自己屋企，以前一段時間同屋企人住，馬仔同自己好多野都仲係家人度，移民好多野要處理，趁有時間先處理好放在家人的東西，免得到要走既時候無時間。

日本近滕麻理惠是很有名的整理達人，好多鍾意整理同斷捨離的人都一定有睇過佢既“怦然心動的人生整理魔法”。其中她講的整理次序我覺得好好，之前執屋企都係用依個次序：

1. 衣服
2. 書本
3. 紙張
4. 小東西(廚房，厠所，雜物等等)
5. 有紀念價值的東西

我決定先處理馬仔的東西，再跟以上次序。

除非真係好鍾意衫，我覺得處理衫係比較容易，亦相信因為咁所以先提出以上次序，以容易決定處理為先，最難處理放後。萬事起頭難，處理衣服好有成功感，之後繼續落去都比較容易！

處理家人的野，要先問家人意願。我執之前先問左馬仔在家人屋企既野要唔要，因為有好多都係好細個既野，所以佢都唔記得，都話唔要喇。

這個係尊重家人的表現，好重要！和小朋友一齊整理他們的東西更好，佢會學到整理又可以教佢珍惜！

現在物質豐富，小朋友真係好多野，仲要好新淨，小朋友衣服，書本，玩具同紀念品都好多。雖然直接掉係最快，但我會盡量送比人，環保都好重要。

大部份唔要既野我都影晒相，再問親戚朋友要唔要。如果都無人需要，上網二手出售或者free比人都係一個好選擇。

英國學校 - 英國學制

 馬仔剛升三年級，而移民的決定最主要都係為左小朋友未來，第一時間就了解下英國的教育先。

移民有好多野要計劃同準備，身邊朋友又不斷同我講記住趕住馬仔入中學前去。

心諗，中學？仲有大把時間啦...

原來查一查之後，我仲有唔夠兩年時間！！

對於幼兒班我沒有多了解，因為馬仔已經過左依個階段，我主要了解中小學的情況，

用BNO Visa過去，打算比馬仔讀英國State School，英國中小學都有分Independent School (私立學校) 同 State School (公立學校)，另外還有寄宿學校，中學的還有分Grammer School (文法學校) ，Grammer School係自行收生需要考的。

搵資料既時候，我主要集中搵普通State School，首先，英國派中小學都係睇你住得遠近，即Catchment Area派中小學，唔會好似香港中學分完banding再分區，所以住得近學校就好重要。

當然如果插班的話都要睇下學校有無位，如果好學校可能好多時都會滿晒位，而且仲有人等緊。

中學前一定要過去既謎思....就係因為要趕住同當地學生一齊報中學，就可以用catchment area選擇心儀的中學！

小朋友當然係越細過去越容易適應，但又不能即刻走始終太多野要處理，我哋打算係馬仔4年級下學期或者讀完4年級就過英國，等馬仔係之後既學年入學。

即係本來入讀香港P5 ，去到要讀英國Year 6。這樣安排就可以趕到報中學！！

留意係英國的中學係早香港一年，仲有英國入學年齡係計9月1 日，即係果個年度9月1日既歲數。

以今年為例2020-2021學年，如果小朋友係2011年6月出世(開學日係9歲)讀Year 5，但如果小朋友係2011年10月出世(開學日係8歲)讀Year 4 。

原來英國係Year 6(英國小學最後一年)開學就要報中學，我搵過兩個我心儀地區的Council，兩個Council寫既報中學截止日期都係10月31日。

每個council都有機會唔同，以上係其中一個。

報小學的情況都差不多，但時間上就唔同，最好上番心儀地區council睇下。

下一步就要搵學校資料。。。