英國少用現金，主要都係電子貨幣同轉帳，一到步就用到錢比較方便！
所以去英國之前都會開離岸戶口，始終果邊要有地址先可以申請銀行戶口。
聽講開戶需要好長時間，花時間的事都想盡快處理先以免有意外，我就決定開最多人用的HSBC。
又聽到有不同的申請辦法... 我就分享下自己的實戰經驗...
匯豐離岸戶口 vs HSBC Expat (Jersey)
匯豐有兩種離岸戶口，一種係英國的戶口，另一種叫HSBC Expat (https://www.expat.hsbc.com/) 係英國皇家屬地澤西(Jersey)的戶口。
兩種戶口存款要求同保障都有些不同：
匯豐英國離岸
- HSBC Jade (最低存款要求HK$780萬)
- HSBC Premier (最低存款要求HK$100萬)
- HSBC One (無存款要求)，開戶手續費要$1,600
存款保障金額 £85,000。
要年滿18歲及附合以下其中一個條件：
- 有£50,000等值的存款
- £100,000等值年薪
- 已有其他國家HSBC Premier戶口
存款保障金額 £50,000。
開英國離岸戶口過程
我選擇開的是英國離岸戶口。
首先我在香港匯豐網頁 > 匯豐環球銀行服務，網上預約會面開立海外戶口 (如果現有客戶可註明自己是什麼客戶和想開英國離岸戶口)。
第二日就有人打電話問你少少資料，例如想開那𥚃的離岸戶口，為什麼要開戶等。
因為本身係Premier戶口，再過多一至兩日我戶口的Relationship Manager就打黎約我去分行(不是總行)辦手續同帶所需文件(護照或身份證和香港住址證明)。
分行見面，會問下少少問題：
點解要開離岸(注意：如果移民可能要證明，買樓會問你想買邊度)、工作狀況、薪金、住屋狀況等等。
答完問題，簽幾個名，等半個鐘左右就完成！
職員同我講大概一個月左右就知道戶口批唔批同埋兩三個月後就會收到信有戶口資料和Debit Card。
十日左右，我竟然收到HSBC UK的Welcome Pack電郵，我仲打去比RM確認個戶口係咪即係批左，因為無諗過咁快。
跟住過多兩日就收到HSBC UK的信有戶口資料。
再過幾日就收埋Debit Card。
之後登記埋網上理財就可以用了！ 提一提，登記網上理財是要 “Telephone Banking Security Number”，這個number要打去英國設定。
我好幸運，竟然不用三星期就開好戶口！！！
但我有朋友開左兩三個月都未有消息，所以都最好預多些時間開戶！
HSBC Premier開完戶去到英國仲用唔用?
開戶的時候都問多左少少離岸戶口的要求和服務：
不用兩邊都附合最低存款要求，只要附合其中一邊就可以，香港是港幣$100萬等值而英國是£5萬鎊等值。去到英國時可以要求佢轉番英國做主戶口，就會少一半的存款要求。
HSBC Premier匯錢過英國不用手續費同即時匯到錢，HSBC One就要比手續費同要等，如果經常要匯錢就要考慮這一點。
這是個人經驗分享，知道可能有不同程況或時間都唔同！
